Munið svo eftir mér á morgun...

Þetta fullkomnar í ykkur jólafílinginn.

Jólagott

Var búinn að týna þessu. Þetta ætti að koma ykkur í jólafílinginn.

Kópajól

Hurðin mín!


Ver mapa más grande

Sjáið sætu hurðina mína.

Klukkaður

Ég hef ekkert betra að gera þar sem kærastan er að saumaklúbbast með vinkonunum í Barcelona.

Eitt áður. Fékk jólagjöfina frá fyrirtækinu mínu í gær. Chivas regal, Hvítt, Rautt, Freyðivín og Romm. Svo 10 kíló af snilldar Jamón(skinka). Ég ligg upp í rúmi og faðma skinkuna. Mmmmm... skinka.

1. Fjögur störf sem ég hef unnið um ævina:
-Pakkaafrgreiðsla BSÍ (Good times)
-Matvöruverslanir (Of fokking lengi)
-Bolaframleiðsla (www.cafepress.com/tobbalicious)
-Au pair (tæknilega ekki starf en hafði mikil áhrif á mig)

2. Fjórar íslenskar bíómyndir sem ég held upp á:
-Sódóma Reykjavík
-Veggfóður
-Punktur punktur komma strik (Verð að sjá hana aftur!)
-Astrópía

3. Fjórir staðir sem ég hef búið á:
-Hringbraut 107
-Calle de Toledo 57
-Bræðraborgarstígur 15
-via Oberdan 6

3. Einn staður sem ég myndi aldrei búa á:
-Kópaskarðsfellsbær (úthverfi borgar óttans anga af ikea)

4. Fjórir staðir sem ég hef heimsótt í fríum:
-Sardegna (allt stefnir í 6 skiptið)
-Gíbraltar (bara til að sjá apana)
-Bologna (Fótbolti og bjórhátíð)
-Bosnía og Herzegóvína

5. Fjórir sjónvarpsþættir sem mér líkar:
-CSI (Grissom)
-House
-30 Rock
-Baywatch (angar af menntaskólaárunum)

6. Fjórar síður sem ég skoða daglega:
-www.facebook.com
-www.mbl.is
-www.guardian.co.uk/football
-www.elpais.com

7. Fernt sem ég held upp á matarkyns:
-Pizza
-Beikon, beikon og beikon
-Pasta/spagetti
-Kjöt (geri ekki upp á milli)

8. Fjórar bækur sem ég hef oft lesið:
-Stranalandia - Stefano Benni (búinn að þýða 70% af henni... klára það væntanlega aldrei)
-The Wasp Factory - Iain Banks
-Irwine Welsh (hann er ekki bók en ég les allt eftir hann)
-Chuck Palahniuk (sama hvað hann skrifar, ég les það)

9. Fjórir staðir sem ég myndi helst vilja vera á núna:
-Hvaða strönd sem er á Sardiníu
-Bologna
-Stykkishólmur (Ræturnar)
-Vicente Calderon

Já já já

Allt í lagi. Ég hef ákveðið að taka mig á í þessum blessuðu bloggmálum. Og já ég er ennþá á lífi.

Veit ekki hvort ég eigi að kenna Facebook um þetta eða reiði yfir því að engin kaupir þessa drasl boli og bolla af cafepress.

Hvar eigum við að byrja á þessu nýja bloggi? Forest? Forest?

Allt í lagi. Ég fékk ekki ósk mína uppfyllta. Kvikindið hefur þurft að koma til vinnu hvern einast dag og þvælast fyrir mér og öllum öðrum en það lítur út fyrir að efnahagskreppan verði loksins til þess að hann verði látinn fara. Síðustu fregnir herma að hann eigi bara viku eftir í sætinu við hliðina á mér. Ég krosslegg fingur og vona það besta.

Tvær stuttar nýlegar sögur af stráksa.

Út af því að El Maestro var hættur að mæta í vinnuna á ákveðnu tímabili þá ákvað yfirmaður okkar að flytja sig upp á hæðina okkar til að geta fylgst með honum. Hann vildi endilega ná sér niður á fyrirtækinu sem borgaði honum 1500 evrur á mánuði fyrir að gera ekki rassgat.

Þannig var í þessari viku að yfirmaður okkar þurfti að fara til útlanda til að tala við nýja yfirmanninn sinn. Eitthvað misskildi El Maestro þetta. Hún þurfti að fara miðvikudag og fimmtudag en El Maestro mætti ekki í vinnu á þriðjudeginum. Yfirmaðurinn spyr mig klukkan þrjú hvort ég viti hvar El Maestro sé niðurkominn. Ég hef ekki hugmynd um það enda ekki búinn að yrða á hann síðan í ágúst. Ekkert fréttist af El Maestro það sem eftir lifir dags.

Þegar svo El Maestro mætir til vinnu á miðvikudeginum (á réttum tíma!) þá er það fyrsta sem hann spyr mig hvort yfirmaðurinn hafi verið á skrifstofunni daginn áður. Þegar ég tjái honum já, stressast hann allur upp og hvíslar "Helvítis!" að sjálfum sér. You can´t buy comedy like this in a store.

Seinni sagan er af síma. Eftir að yfirmaðurinn kom upp þá tók hún símalínuna yfir á skrifborðið sitt. Þurfum að deila einni símalínu saman. El Maestro nýtir hvert tækifæri sem hún fer eitthvað í burtu til þess að hringja í vini sína og kærustu. Það er bara að hann gleymir alltaf að stinga snúrunni aftur í samband í síma yfirmannsins. Sem leiðir það af sér að þegar einhver hringir í hana þá hringir síminn fyrir framan El Maestro. Það kætir mig óendilega þetta "Sorry" sem fylgir. Og hversu skertur þarf maður að vera til þess að geta EKKI lært af reynslunni.

Í eitt af fyrstu skiptunum sem þetta kom fyrir þá ætlaði El Maestro aldeilis að redda þessu. Hann svaraði í símann sinn, bað viðmælandann að hinkra í augnablik, reif svo snúruna úr símanum sínum og stakk í síma yfirmannsins. Það sem ég heyrði þegar ég gekk út í sígarettuna var rödd hennar að reyna að kreista svar út úr dauðri símalínunni....

Sjáum nú til hvort ég haldi loforðið um meira blogg.

Af því mér datt loksins eitthvað fyndið í hug

Nú er ég klæddur og kominn í hör

Æ. Hitinn maður! Hér eru einhverjar sextíu gráður yfir daginn og dettur niður í 50 yfir nóttina. En ég kvarta ekki yfir hitanum heldur fagna. Já, ég fagna honum því hörið er komið út úr skápnum.

Nú geng ég um götur skMadridar hörklæddur líkt og sá hörklæddi riddari sem ég hef alltaf fundist ég vera.

Hörsandalarnir gefa mér þá tilfinningu að göturnar hafi verið smurðar hunangsilmandi silki. Hvílík hamingja fyrir fæturna! Ekki skemmir fyrir sú kitlandi tilfinnng sem hörböndin sem liggja á milli tánna og strjúka ristarhárin veita þreyttum löppum eftir langan vinnudag.

Hörkvartarar eru eitthvað sem allir menn ættu að klæðast. Nærandi snerting þeirra við lærahárin hafa unnið kraftaverk á appelsínuhúðinni. Svo hleypa kvartararnir líka einungis köldustu golunni inn en skilur hitabylgjuna eftir fyrir utan.

Það er líka svo skemmtilegt hvað hörið býður upp á marga litamöguleika. Ég get eitt klukkustundum í það á morgnana að bera saman hvort fari betur, beige hörbuxur og hvítur hörbolur eða beige-bleikar hörbuxur og hvít hörskyrta hneppt upp að nafla.

Þetta er frelsið sem hörið hefur að geyma.

Ég rakst svo á lítinn stand í útimarkaðinum hér i hverfinu sem selur hör-aukahluti. Keypti mér skemmtilegt beige hörhálsmeni sem smellpassar við hvítu ermalausu hörskyrtuna. Hún passaði ekki við gullmenið sem ég hengdi á mig i vor, en hörið náði mestu þrjóskunni úr henni og gott ef það hefur ekki náð að temja hana fullkomlega.

Þetta getur nefnilega verið vandamál með hörið. Það er svo sterkt og sjálfstætt að ekkert getur unnið með því nema annað hör.

Ég veit að hnésíðar hörbuxur hafa nokkurn veginn verið einokaðar af kvenfólki yfir þrítugu. Með örlitlum tilfæringum og breyttu sniði þá hefur mér tekist að gera þær tvíkynja.

Oft þarf maður að skipta um umhvefi til að uppgötva hluti sem hafa verið í kringum mann alla ævi. "Hörið er betra en kaldur bjór í mesta hitanum." Þessi orð lét Voelli saeti(tm) falla í 12 ára bekk og ég held að ekki hafi hann nær sannleikanum komist.

Nú hvet ég alla karlmenn sem ég þekki að kíkja í næstu hörfataverslun á morgun og gíra sig upp.

Hörið er komið til að vera.

Tónlist

Af því að ég er getulaus þegar kemur að tónlist, ég get ekki strokið hringi á maganum á mér og klappað kollinum um leið, þá hlusta ég til að bæta upp fyrir taktleysið. Svipað og að drekkja sér í klámi þegar maður fær ekki að riða. Ekki satt?

Af því ég veit að þið hafið ekkert betra að gera, og ég er að flýja hitann, þá eru hérna lög til að skemmta ykkur í smástund.

Grandaddy - So you´ll aim towards the sky

Það er ekki hægt að hugsa sér betra lag til að slaka á við og syngja falsettu.


Bruce Springsteen - Thunder Road

Af því að þau okkar sem meikuðu það ekki í lífinu þurfum okkar "Maístjörnu"



Sahara Hotnights - Hot Night Crash

Hljóðfæri, 4 sætar stelpur og glymrandi gleðipopp. I´ll take ten!



Radiohead - Nobody Does It Better

Af því að þetta lag, bróður minn, Toyotan hennar Gönnsó og falskir tónar sýna fram á það að í lífinu þá eru það litlu hlutirnir þeir sem gera það skemmtilegt.



A Perfect Circle - Judith

Stundum er nóg að hafa bara kvenkyns bassaleikara. Ekki skemmir fyrir glymrandi rokk og texti fullur af ádeilu á kirkjuna.



A Perfect Circle - The Outsider

Af því að stundum hata ég lífið og fagurri rödd er erfitt að finna.



Queens Of The Stone Age - Song For The Dead

Í 7 mínútur í mars gleymdi ég mér í því að vera unglingur í þvögunni. Þetta sýnir líka að rauðhærðir og trommuleikarar hafa eitthvað fram að færa.



Muse - New Born

Þú ert mín gítarhetja. Með aukakaflanum sem þeir bæta við í lokin þá jaðrar þetta við fullkomnun. Ég held samt áfram leitinni.



Bill Hicks - Last Word(A Tribute)

Af því að eitt sinn var ég uppfullur af hatri en er nú að breytast í miðaldra krippling. "Er kripplingur með einu p-i?" Enough said.

Ég gafst upp...

Í gær gafst ég endanlega upp. Forest er búinn að vera samanlagt heilan dag frá vinnu þessa vikuna. Annaðhvort í aukapásum eða með því að mæta klukkutíma of seint og fara klukkutíma fyrr.

Þegar hann mætti enn og aftur klukkutíma of seint í gær, settist niður fyrir framan tölvuna sína og vann í tvær mínútur áður en hann kallaði yfir til mín. Því eins og hann sagði, "Hvernig get ég verið með auka lausn í skspænsku útgáfunni?"

Við erum í því að uppfæra lausnir á verkefninu okkar, hann ber saman skensku og skspænsku á meðan ég ber saman skensku og skfrönsku. skEnska útgáfan er fullbúin og því útilokað að nokkur önnur útgáfa af lausnum geti haft auka lausn. Hann fullyrðir þetta samt sem áður og "segist ekki skilja upp né niður!"

Ég nenni ekki að hlusta á hann fussa við hliðina á mér og spyr hann hvaða spurningu sé um að ræða. "Síðasta," segir slúbbert og ég kíki á hana. Bæði tungumál eru með nákvæmlega jafnmargar lausnir. Ég vitandi hvaða mann Forest hefur að geyma segi: "Það er ekki síðasta spurningin, er það?" Kemur þá ekki í ljós að það er önnur spurning sem Forest er að glíma við. Ég lít á hana og rek augun í vandann. Tvær síðustu lausnirnar í skensku útgáfunni voru merktar sem solution 4 á meðan skspænska útgáfan sagði solution 4 og 5.

Ég horfði á hann... "svona er þetta," sagði ég og tók mig til og pantaði fund með yfirmanni okkar.

Forest á skv. þeim fundi einungis 2 mánuði eftir af vinnu hjá þessu fyrirtæki. Gleðifréttirnar fyrir mig eru þær að hann verður líklegast færður niður um tvær hæðir hjá yfirmanni okkar svo ég þurfi ekki að eiga við hann.

Ljósið á enda ganganna blasir við. Hann vill ólmur fá að vita hvað gekk á milli mín og yfirmannsins á þessum fundi. Nú brosi ég framan í hann og tek ólmur þátt í þeim samræðum sem hann vill eiga um næsta samning sem "við" fáum. Pabbi hans er nefnilega búinn að segja honum að þeir verði að gera sex mánaða samning við okkur næst. Hann er líka búinn að tjá mér að fyrirtækið sé algjörlega hátt okkur svo ég þurfi engar áhyggjur af því að hafa að þau geri ekki við okkur nýjan samning.

Ég hef tvo mánuði til að æfa mig í undrunar-andlitum og "Neeeeeeeiiiiii! Ég trúi því ekki!"

Fann ekki atriðið sem ég grét yfir í gær svo þið verðið að sætta ykkur við að gráta yfir þessu:

Toppnum náð

Ég get ekki haldið þessu aftur af mér. Forest náði toppnum í dag. Ef hann getur betur en þetta... nei... ég neita að trúa því.

Þannig er að við verðum að skipta um leyniorð á 45 daga fresti. Þetta ætti ekki að vera erfitt þar sem þetta er ekki annað en að slá inn gamla leyniorðið og slá tvisvar inn nýtt.

Foresti tókst að klúðra þessu í dag. Þegar tölvan tjáði honum að þau tvö skipti sem hann sló inn nýja leyniorðið þá lokaði hann bara glugganum og reyndi að slá sig þrisvar inn með leyniorði sem hann hafði ekki enn staðfest.

Þannig að í klukkutíma i dag komst snillingurinn ekki inn í tölvuna sína á meðan unnið var í því að búa til fyrir hann nýjan aðgang.

Bara til að sýna fram á snilligáfu hans þá útskýrði hann söguna fyrir mér. Hann vissi allan tímann að hann var að gera eitthvað vitlaust... en hélt bara áfram og vonaðist til þess að þetta myndi "reddast."

Hann spurði mig í biðinni hvort hann gæti ekki bara skráð sig inn í aðra tölvu, ekki með neitt virkt aðgangsorð, og sú tölva myndi þá byrja alla þá vinnu sem hann var með í gangi í sinni tölvu. Word og fleira myndi poppa upp með síðurnar opnar á sama stað.

Ég er búinn að halda aftur af mér í fjóra mánuði. Á morgun fer ég og tala við yfirmann okkar. Þetta gengur ekki lengur. Maðurinn er aljörlega vonlaus. Ég læt ekki einu sinni fara í taugarnar á mér þau 5-10 persónulegu símtöl sem hann hringir, á dag, úr símanum sem er skráður á okkur tvo.

Ég get ekki unnið með honum lengur. Hann eða ég? Sjáum hvað gerist á morgun.

Nú er sumar á Fróni

Það er komið sumar og ekki sjór í sjónmáli. Ég hef þraukað hita áður og hlýt að lifa þetta af.

Beint í uppáhaldið mitt. Forest, þú súrsæta uppspretta haturs og gleði daga minna!
Forest var í fríi fyrstu þrjá daga vikunnar. Nú veit ég hvernig fólki sem saknar hlaupabólu líður. Ef þú ert einn af þeim sem saknar hlaupabólu... kannski er rétti tími kominn til að leita sér sérfræðihjálpar.

Eftir klukkutíma af "vinnu" hjá Foresti fannst honum kominn tími á sígarettu. Ég nýtti tækifærið og breytti skjámyndinni hjá honum. Hann er að "vinna" við að setja upp próf í KraftBendingum svo mér fannst við hæfi að setja tóma KraftBendingar-skyggnu sem skjámynd. Þegar hann snéri aftur "ööö?!"-aði hann tvisvar og fór síðan að útskýra fyrir mér hvað hann "Ég ekki skilja! Nú breytir hún alltaf um skjámynd!".

Ég er með bitför á neðri vörinni eftir að hafa haldið aftur af mér hlátrinum.

En Forest er ekki bara gleði. Þegar ég lít til baka, jú, en þegar hann hendir í þig 3-4 "ég veit ekki hvernig ég get svarað þessu án þess að nota orðin "mongólíti","´grjóthaltu" og "kjafti"." Á 20 mínútu kafla á fimmtudaginn voru eyrun á mér farin að titra af reiði. Í dag sem betur fer get ég hlegið.

Setjum þetta upp sem lista í réttri tímaröð:
1. 17:08 - Forest kallar á mig því hann vill fá mig til að prófa svolítið í KraftBendingum. Hann er með skyggnu með risatórum grænum punkti sem þú þarft að smella á með músinni til þess að skyggnusýningin hefjist. Ég smelli á hana og næsta síða opnast. "öööö?!" heyrist í Foresti, "hvernig?!" Eftir að ég útskýri fyrir honum hvernig þetta virkar þá kemur það í ljós að hann hafði eytt um það bil 10 mínútum hér og þar á skyggnuna og hafði enn ekki fattað "hver vegna hún opnaðist bara stundum." Forest telur sig mjög kláran og því eyðir hann 5 mínútum í viðbót að smella á græna punktinn til þess að sannreyna "tilgátu" mína. Allt í einu gellur upp úr honum alltof hávært "Hey!" til þess að láta mig vita að uppgötvun hefur verið gerð. Svo tekur við tobbi,tobbi,tobbi,tobbi... þangað til ég sný mér að honum.

Með því að smella á græna punktinn þá hefur eftirfarandi uppgötvun verið gerð og ég bið hvern þann sem les þetta að koma þessu áleiðis til Reykjavíkurakademíunnar og álíka menntastofnanna svo hægt sé að vara fólk við: (orðrétt)

"Tobbi. Það er hægt að setja svona grænan punkt á síður á netinu. Svo þegar fólk smellir á hann. Þá fær það vírus í tölvuna sína!"

Uppgötvunin hefur verið gerð. Varið ættingja og nágranna við áður en þau verða tölvunni að voða!!

2. 17:21 - Góður vísindamaður sættir sig ekki bara við eina uppgötvun. Ein getur oft leitt af sér aðra. Svo Forest hélt áfram leitinni. Hann sér það í Dialog-glugganum að það er hægt að leita uppi skjöl í tölvunni og linka á þau. Það merkilega er að þá, þegur þú smellir á græna punktinn, opnast skjalið. Forest býr sem sagt til Word-skjal með einhverri línu sem ég býst við að hafi átt að vera fyndin. Ég las hana ekki svo ég get ekkert um það sagt. Hann setur þetta allt upp og kallar síðan á mig. Hann smellir svo á græna punktinn og upp sprettur word-skjalið með línunni hans.

Enn og aftur bið ég menntaelítuna að taka punkta:
"Sérðu! Það er hægt að fela leyniskilaboð í kynningunum!"

Geirvörtunar á mér stóðu svolítið stífar út af pirringi. "A plague on your house!," kom upp í hugann.

Vísindn voru komin á skrið. Það ultu út nýjar uppgötvanir og ekkert gat stöðvað þetta nýja undur vísindanna.

3. 17:28 - Forest sér að það er hægt að setja takka á síðuna til þess að fólki geti vafrað fram og til baka í KraftBendingar-kynningum. Hann uppgötvar það líka að hægt er að setja inn númer á skyggnu sem þessi ágæti takki vísar á. Forest býr sem sagt til skyggnu 1 og 2 báðar með þessum takka og vísar skyggna 1 á skyggnu 2 og skyggna 2 vísar á skyggnu 1. Svo kemur kallið. Ég get ekki beðið hvaða nýju víddir hafa verið uppgötvaðar. Penni og blað allir!

"Það er hægt að setja upp gildru fyrir fólk svo það kemst ekki út úr skyggnunum. Flakkar bara fram og til baka!"

Ef hann vissi bara hversu óvart-fyndinn hann er.